مسك الشبشب قدام الجيران و نزل على دماغها ضرب

خبطت على الباب. أبويا فتحلي. زعق على السلم. الجيران كلهم خرجوا. سقط برضوا السنة دي يا فاشل. داحنا لو بنربي كلب كان بقى أفيد لينا. أمي بتقوله الجيران يا كامل. أسكتي

إنتي اللي بوظتيه بتربيتك. قالتله إتصدق إنك راجل ظالم. أنا ظالم ؟ طب تعالي و مسك الشبشب قدام الجيران و نزل على دماغها ضرب. أمي عندها ٦٠ سنة. بقوله حرام عليك متضربهاش. راح ضربني بيه على وشي و قالي عليا الطلاق بالتلاتة مانت داخل البيت. إطلع بره يا فاشل. مشيت و روحت قعدت عند واحد صاحبي. نمت في عشة فراخ عندهم فوق في السطوح. فضلت أدور على شغل ملقيتش. و في يوم لقيت عن طريق واحد صاحبي شغلانة أوفيس بوي بــ ١٥٠٠ جنيه في مكان تعليم إنجليزي. روحت قابلت مدير التشغيل في المكان أعجب بيا جداً لأني وافقت أشتغل أوفيس بوي مع إني فاضلي سنة في كلية تجارة. قالي لأ إنت هتشتغل موظف تستقبل الطلبة و راتبك هيبقي ٢٥٠٠ جنيه و هتتعلم إنجليزي مجاناً. و شد حيلك علشان أي طالب هنا لو وصل للمستوى الـ ١٦ بنشغله معانا مدرس بـ ٤٢٠٠ جنيه. طرت من الفرحة و قلت لازم أروح لأمي أفرحها. دخلت البيت لقيت أختي منهارة. فيه إيه بتعيطي ليه ؟ أمك ماتت يا مازن. أمك ماتت و آخر حاجة قالتها قوليله أنا راضيه عنه و قوليله إنت مش فاشل يا حبيبي. قوليله إنت هتبقي أحسن الناس. متزعلش من أبوك. أبوك بيحبك و خايف عليك. محستش بنفسي و جريت على أبويا مسكت في هدومه و قولتله إنت اللي موتها. حرام عليك. كنت بتضربها و بتهينها. قعدت أصرخ و أقول ملحقتيش تفرحي بيا يا أمي. لحد ما لقيت كلام أمي اللي قالته قبل ما تموت بيرن في ودني. مشيت و مبقاش في حاجة عايش علشانها غير إني أنفذ كلام أمي. بقيت بشتغل من ٩ الصبح لـ ٦ المغرب و بتعلم إنجليزي في المكان من ٦ لـ ٩ و بروح الساعة ١٠ أذاكر ملازم الكلية لحد ما أنام. قعدت على كده ٩ شهور لحد ما خلصت الكلية و خلصت الإنجليزي من أول المستوى السابع لحد الـ ١٦. بقيت بتكلم إنجليزي بطلاقة واتعينت مدرس إنجليزي في نفس المكان. بدأت أدرس و جيبت في أول ٣ شهور ٩٨ ٪ تقييم من الطلاب. أجرت شقة قانون جديد في زهراء مدينة نصر بـ ١٥٠٠جنيه. و فيوم جه السوبر فايزر بتاعي و قالي الشركة هتعمل حفلة و هتكرم فيها أحسن ٣ مدرسين اللي إنت واحد منهم. فرحت و كلمت أختي علشان تيجي الحفلة. و جه ميعاد الحفلة و بدأت لكن للأسف أختي ماجتش و مبتردش على التليفون. طلع صاحب الشركة على خشبة المسرح و بدأ يتكلم عن التلت مدرسين. فجأة طلب مني أطلع أقول كلمة قدام الـ ١٨٠ موظف. طلعت على خشبة المسرح. لسة هبدأ أتكلم لقيت أختي داخلة بس مش لوحدها. بابا كان جاي معاها. أول ما شفته بكيت على خشبة المسرح. وأنا ببكي قولت كان نفسي أمي تشوفني و أنا ناجح. بس يمكن تكون شايفاني دلوقتي وهى في الجنة. و مقدرتش أكمل كلام من كتر العياط. والقاعة كلها سقفت. فجأة لقيت أبويا بيبكي. أول مرة في حياتي أشوفه بيبكي. صعب عليا. لقيت نفسي بقول لكل اللي حاضرين. نفسي والدي يسامحني. راح بابا وقف قدام الناس كلها و قال إنت اللي نفسي تسامحني يابني. قسيت عليك و على أمك زي الدب اللي أكل عياله. الله يرحم والدتك كانت هتفرح بيك أوي يا مازن يابني. جريت عليه حضنته هو و أختي و قولتلهم ربنا يخليكوا ليا.

*****************************

إذا تعلمت منها أنشرها ليستفيد غيرك لا تدعها تقف عندك الدال لي الخير

كفاعله

تطبيق يقدم قصص في كل قصة عبرة تفيدك وما تروى القصص إلا لأخد العبر

اشتراكه فى تطبيق (قصص )

<<<<< اشترك لتصلك القصص >>>>>

https://goo.gl/AwhXle

******************************

لا تنسى ترك بصمتك بتعليق على المنشور من اجل تشجيعنا

http://qissass2015.blogspot.com

المنشورات ذات الصلة

شارك هذا المنشور

اشترك في النشرة الإخبارية